Meridian Ramçaj ka qenë i eliminuari i radhës nga spektakli real televiziv më i famshëm në Shqipëri, Big Brother VIP.
Teksa po fliste për përvojën televizive, ai u shpreh në Fan Club se gabimi i tij ishte të mos i besonte instinktit, ndërsa hodhi akuza për aktorin Donald Veshaj.
Ishte ky i fundit që bëri zgjedhjen për të çuar në nominim veten, Ilirin dhe Meridianin, transmeton Top Channel.
“Mjafton të kujtojmë lotët e Donaldit kur dola nga shtëpia, mu dukën si lot narcizisti, se ishte ai gëzimi që nxora dikë…”.
“E përqafova nga ana njerëzore sepse ky është Meridiani, kurse ai tregoi veten e tij. Nuk doja t’i besoja instinktit tim që ai është aktor, që ai po aktron gjithë kohës aty, sepse vetëm ashtu mund të fitonte pikë”.
“Ajo që bën ai është se në moment që ka frikë dikë, i qëndron në distancë, bën batuta, ama pret momentin që ta rrëzojë, por atëherë kur të mos ketë mundësi dikush të ngrihet”, është shprehur Meridiani.
