Një baba që besoi gabimisht se kishte coronavirus, për të mbrojtur familjen e tij dhe për t’i mbajtur larg nga virusi vdekjeprurës, u var në një pemë në mënyrë që ata të mos infektoheshin nga virusi.
Të afërmit e pikëlluar të Bala Krishna thanë që ai kishte shikuar me obsesion video në telefonin e tij në lidhje me përhapjen e sëmundjes para se të bindej se kishte virusin.
Fermeri 50-vjeçar më pas mbylli gruan dhe fëmijët e tij në shtëpinë e tyre në rrethin Chittoor të Andhra Pradesh, Indi, para se të varej nga një pemë pranë varrit të nënës së tij, transmeton Telegrafi.
Djali i tij Bala Murali tha se babai i tij ishte diagnostikuar me një ethe virale.
Mjekët e siguruan atë që nuk ishte coronavirus, virus që ka marrë më shumë se 1.100 jetë që nga fillimi i shpërthimit global në Kinë, saktësisht në Wuhan. Ka vetëm tre raste në Indi dhe asnjë në Andhra Pradesh.
Por ai mbeti i bindur se ai kishte sëmundjen dhe kur u kthye në fshatin e tij të lindjes Seshamnaidu Kandriga të dielën ai i kërkoi familjes së tij të mbante distancë.
Kur ata u përpoqën t’i afroheshin, ai i sulmoi me gurë dhe i largoi.
Djali i tij tha: “Babai im shikoi video të lidhura me coronavirusin tërë ditën e hënën dhe vazhdonte të thoshte se ai kishte simptoma të ngjashme.
“Ai na sulmoi kur u përpoqëm t’i themi se nuk vuante nga sëmundja vdekjeprurëse”.
Të martën ai mbylli familjen e tij në shtëpinë e tyre dhe u var nga një pemë pranë varrit të nënës së tij në varrezat lokale. /Telegrafi/
