Ish-lojtari i Interit, Felipe Melo beson se Lautaro Martinez është sulmuesi i së ardhmes dhe është më i mirë se partneri i tij Romelu Lukaku.
Martinez ka shkëlqyer këtë sezon me Interin deri më tani duke shënuar 16 gola dhe katër asistime.
Paraqitjet e tij të mira kanë bërë që ylli argjentinas të bëhet objektiv kryesor i Barcelonës dhe Melo beson se ai është sulmuesi i së ardhmes.
“E njoh Lautaron, e shoh atë të luajë sepse ndjek Interin”, ka thënë fillimisht Melo për Ole.
“Ai më kujton Gabriel Jesusin, i cili punon shumë pa top, lufton dhe shënon shumë”.
“Sipas mendimit tim, ai është sulmuesi i së ardhmes. Ai është vetëm 22 vjeç, por ai ka forcë dhe fuqi dhe gola. Një sulmues duhet të shënoj gjithnjë gola”.
“Më pëlqen shumë si lojtar. Për shembull, Lukaku është shumë i fortë fizikisht, por ai nuk ka aq shumë cilësi sa Lautaro”, përfundoi braziliani. /Telegrafi/