Reperja e njohur e skenës shqiptare, Melinda Ademi, ka publikuar video projektin e ri muzikor.
Ashtu siç e paralajmëroi ditë më parë, ajo sot (e diel), solli këngën e re të titulluar “Karma”, ndërsa e ka shoqëruar edhe me klip.
Kur jemi tek videoklipi, këngëtarja vjen me një paraqitje mjaft provokuese me veshje të ndryshme dhe në secilën prej tyre ka vënë në pah fizikun e saj atraktiv.
Tekstin e këngës e ka shkruar vet reperja Ademi në bashkëpunim me Tonic dhe Denk, teksa për ‘beatin’ është kujdesur Tonic, Dj Bannzz, ESBeatz.
Ndërkohë për ‘drop’ dhe masteringun e këngës është kujdesur producenti i njohur kosovar, Arbër Gjikolli i njohur ndryshe si Big Bang Beats.
Si çdo herë tjetër, Panda Music qëndron prapa këtij projekti me regji të Valon Azirit.
Kënga besohet se do të mirëpritet nga publiku dhe tashmë mund ta gjeni në kanalin zyrtar të Melindës në YouTube. /Telegrafi/