Mbrëmë në Rotterdam të Holandës u mbajt ceremonia e ndarjes së çmimeve “MTV European Music Awards 2016”.
Shqiptarët kishin edhe një arsye më shumë për ta shikuar këtë eveniment muzikor pasi që të nominuara në disa kategori ishin Dua Lipa dhe Bebe Rexha.
Kjo e fundit ishte prezantuesja e spektaklit teksa këndoi edhe dy hitet e saja ‘In Name of Love’ dhe ‘i Got You’, transmeton Telegrafi.
Por, kur të gjithë prisnin ta shohin në tapetin e kuq edhe Dua Lipën, kjo nuk ndodhi.
Dua nuk u paraqit për asnjë moment në spektakël dhe nuk ka publikuar ndonjë mesazh në rrjetet sociale rreth eventit.
Arsyet ende nuk dihet, por mbetet që në ditët në vijim të sqarohen rrethanat e mungesës së Duas.
Ndryshe, Dua dhe Bebe Rexha ishin të nominuara në ceremoninë e ndarjes së çmimeve MTV Europe Music Awards, në kategorinë “Best Push”, në mesin e shumë emrave tjerë të njohur./Telegrafi/