Pep Guardiola dhe Sergio Aguero u përfshinë në një zënkë verbale në momentin e zëvendësimit të sulmuesit argjentinas, gjatë ndeshjes ndërmjet Manchester Cityt dhe Tottenham Hotspur.
Argjentinasi e nisi derbin e kësaj jave nga minuta e parë dhe arriti të shënonte një gol, megjithatë trajneri vendosi që në minutën e 65-të ta zëvendësonte me Gabriel Jesus.
Aguero ishte i pakënaqur nga ky veprim dhe kamerat e kapën momentin e fjalosjes mes trajnerit dhe sulmuesit.
https://twitter.com/EnRouteAnfield/status/1162785652238426112
Mirëpo, zënka mes tyre nuk zgjati shumë, duke qenë se në momentin kur shënoi Gabriel Jesus, argjentinasi shkoi për ta përqafuar Guardiolan.
Sidoqoftë, ndeshja u mbyll baras (2-2), duke qenë se goli u anulua, sepse paraprakisht Aymeric Laporte e kishte prekur topin me dorë. /Telegrafi/
