Mediumi argjentinas vazhdon të këmbëngul se Messi do të mbetet te Barcelona

Sulmuesi i Barcelonës, Lionel Messi thuhet se ka vendosur të qëndrojë në Camp Nou për të shmangur një betejë ligjore me klubin.

Telenovela për të ardhmen e Messit po vazhdon dhe atë me ritëm edhe më të lartë.

Sot (e premte) gjatë ditës doli letra e babait të Messit, Jorge, drejtuar La Ligas ku jep faktet se klauzola e tij prej 700 milionë eurosh nuk ekziston më në kontratë.

Lexo po ashtu Messi thyen heshtjen, babai i tij dorëzon përgjigjen te La Liga: Leo nuk ka më klauzolë 700 milionë euro

Megjithatë, i menjëhershëm ka qenë reagimi i drejtuesit të La Ligas.

Ata iu përgjigjen përfaqësuesve të Messit duke konfirmuar se klauzola ekziston dhe është e vlefshme ende.

Lexo po ashtu La Liga i përgjigjet menjëherë reagimit të Messit: Klauzola ekziston dhe është absolutisht e vlefshme

Ndërsa, tani mediat argjentinase raportojnë se Messi do të mbetet në Camp Nou edhe në këtë sezon.

Sipas TyC Sports, Messi ka vendosur të respektojë kontratën e tij deri në qershor të vitit 2021 dhe do të qëndrojë në Barcelona deri atëherë.

Raporti pretendon se ai dëshiron të shmangë betejën ligjore me klubin ku ai u rrit dhe ku ai ka luajtur për 20 vjet. /Telegrafi/