Këngëtari Meda është shumë i pëlqyer nga publiku shqiptar për këngët dhe zhanrin të cilin e këndon.
Ai është mjaft aktiv nëpër mbrëmje muzikore dhe koncerte të ndryshme, gjersa nuk mungon angazhimi i tij edhe në dasma dhe ahengje të ndryshme familjare.
Këto ditë, ai pritet të publikojë një projekt të ri muzikor, të cilin do ta sjellë në bashkëpunim me reperin e vjetër, MC Beka.
Lajmin për këtë e ka bërë të ditur producenti Nurteel, i cili ka punuar këngën, ndërsa përmes një postimi të bërë në Instagram ka paralajmëruar se ky duet do të jetë shumë i veçantë.
Kënga do të jetë ritmike, dhe pritet të finalizohet edhe me klip.
“Kësaj po pjekim me furrë druri”, ka shkruar producenti Nurteel në mbishkrimin e fotografisë.
Ky bashkëpunim pritet të jetë mjaft interesant, pasi të rralla janë bashkëpunimet e tilla mes dy këngëtarëve të zhanreve të ndryshme. /Telegrafi/