“Meant to be” i Bebe Rexhës për 35 javë në vendin e parë të listave të muzikës “Country”

“Meant to be” del të jetë një ndër këngët më të suksesshme të këngëtares shqiptare me famë ndërkombëtare, Bebe Rexha.

Kjo këngë deri më tani është shikuar hiq më pak se mbi gjysmë miliardi herë në YouTube, saktësisht 518 shikime.

Njëkohësisht, kënga ka arritur edhe një sukses të paparë, të cilën këngëtarja e ka zbuluar për fansat përmes rrjeteve sociale.

Në fakt, këngën që e ka sjell në bashkëpunim me bendin Florida Georgia Line në tetor të vitit të kaluar, është renditur për 35 javë në vendin e parë të top listave të muzikës country.

“Kur të zbuloni se keni bërë histori. 35 javë në pozitën e parë të listës. Faleminderit të gjithë duke përfshirë tifozët dhe stacionet e radios. Vëllezërit Warner. Dhe më e rëndësishmja për Florida Georgia Line për mundësinë që më dhatë. Ju dua të gjithëve. Kjo është e pabesueshme. Faleminderit, faleminderit, faleminderit”, ka shkruar ndër të tjerash në Instagram, Bebe.

Lexo po ashtu Bebe Rexha e para në iTunes me "I'm a mess": Ndjehem mirë të shoh suksesin e këngës që tregon të vërtetën time

Gjithashtu edhe kënga e fundit e sjell me video, “I’m a mess”, aktualisht renditet si sugjerimi i parë në top 10 fjalët më të kërkuara në aplikacionin iTunes.

Ndryshe, këngëtarja është duke punuar në projekte të reja muzikore që do t’i sjell gjatë muajve në vijim. /Telegrafi/

See more