Mesfushori i Juventusit, Weston McKennie, ka rënë dakord për kushtet personale me Leeds United dhe po diskuton një transferim të mundshëm në “Elland Road”.
Amerikani mund të largohet nga Juventusi shpejt pasi, sipas Fabrizio Romano, ai ka rënë dakord për kushtet personale me skuadrën e Ligës Premier, Leeds.
Dy klubet tani janë në bisedime për tarifën e transferimit të mesfushorit amerikan, i cili iu bashkua Juventusit në një marrëveshje fillestare huazimi me një opsion për të blerë në vitin 2020.
Sipas disa mediave në Itali, çmimi i kërkuar i Juventusit për McKennie është 30 milionë euro.
McKennie është i lumtur të bashkohet me Leeds ku do të ribashkohej me bashkatdhetarët e tij Jesse Marsch dhe Tyler Adams.
Sipas raportit, mesfushori i Juventusit ka folur tashmë me të dy për një transferim të mundshëm në “Elland Road”.
McKennie shënoi 13 gola në 96 paraqitje me Bianconerët, duke luajtur nën drejtimin e Andrea Pirlos dhe Massimiliano Allegrit. /Telegrafi/