Rreth shtatë vite më parë solli një projekt muzikor që u bë viral gjithandej ndonëse në një kohë më larg teknologjisë e rrjeteve sociale.
Fjala është për reperin nga Prizreni, Elvis Qollopeku, i njohur për publikun Mc Qoppa që mori vëmendje të madhe me këngën “QoppSexy”.
Gjersa tani ka kaluar një periudhë e gjatë nga projekti i lartpërmendur, artisti ka sjell pjesën e dytë si vazhdimësi e asaj të parës.
“QoppSexy 2” mban titullin prurja e të cilit vjen e kompletuar edhe nga ana vizuale.
Teksti u shkrua nga vet reperi, kurse për producimin, ‘beat’-in dhe instrumental u përkujdes Vizion Records.
Videoklipi ndërkohë u realizua nga produksioni i njohur, Max Production.
Me t’u lansuar kënga, mori reagime pozitive të shumta nga ndjekësit e fansat e Mc Qoppës duke e cilësuar si një rikthim të fuqishëm të artistit. /Telegrafi/
