Ka përfunduar pjesa e parë mes Kosovës dhe Suedisë që po zhvillohet në kuadër të kualifikimeve për Kupën e Botës që mbahet në vitin 2022 në Katar.
Përfaqësuesja e jonë e filloi mjaftë mirë takimin, duke rrezikuar qysh në minutën e dytë me anë të Vedat Muriqit, por ishte në pozitën jashtë lojë.
Ishte minuta e 12-të kur Suedia na ndëshkoi me anë të Ludwig Augustinsson, derisa Zlatan Ibrahimovic ishte në rolin e asistuesit.
Lojtarët e Kosovës më pas u ndëshkuan me disa kartonë të verdhë si, Vedat Muriqi, Hekuran Kryeziu dhe Florent Hadërgjonaj.
Në minutën e 35-të, mysafirët na ndëshkuan përsëri, duke realizuar tani me anë të Alexander Isak, që mposhti Samir Ujkanin me një top mes të këmbëve.
Pjesa e parë kishte rastet edhe për Kosovën, mirëpo lojtarët tanë nuk arritën t’i konkretizonin ato.
Shpresojmë që në 45 minutat e dytë të ketë një lojë më ndryshe nga Dardanët, duke marrë së paku një barazim. /Telegrafi/
REPLAY 🎥 pic.twitter.com/V3JJJQPY7j
— rafaell777877 (@rafaell777877) March 28, 2021
REPLAY 🎥 pic.twitter.com/TjnuRREnkE
— rafaell777877 (@rafaell777877) March 28, 2021