Liverpooli dhe Chelsea kanë luajtur baras (1-1) në kryendeshjen e javës së 23-të të Ligës Premier që u zhvillua në Anfield.
Gjysma e parë ishte frustuese për nikoqirët, të cilët përkundër se e kishin posedimin e topit, nuk ia dolën të shkaktonin probleme para portës së Courtois.
Nga ana tjetër, Blutë ishin mirë të organizuar dhe mjaft të qëndrueshëm në fazën mbrojtëse duke i bërë vendasit të parrezikshëm.
Për më shumë, vizitorët arritën të shënojnë. David Luiz u tregua dinak duke ekzekutuar një gjuajtje të lirë që u ndal në rrjet (25’). Ky ishte goli i vetëm i pjesës së parë.
Në gjysmën e dytë, Firmino në njërën anë dhe Moses në anën tjetër patën rastet e tyre, sidoqoftë mungoi konkretizimi.
Dhe pa kaluar një orë lojë, erdhi goli i barazimit. Një top i harkuar në zonë shkoi në drejtim të Milner, i cili e ktheu për Georginio Wijnaldum dhe ai realizoi (58’).
Chelsea pati një rast të artë për ta rikthyer epërsinë, mirë Diego Costa dështoi ta mposhtte portierin Simon Mignolet (76’).
Chelsea vazhdon kryesimin në Ligën Premier me 56 pikë, nëntë më shumë se Tottenham Hotspur që luajti pa gola kundër Sunderlandit. Liverpooli është në vend të katërt me 46 pikë, dhjetë më pak se lideri.
Në xhiron e radhës, Blutë luajnë kundër Arsenalit, ndërsa Redsat kanë kundërshtar Hull Cityn. /Telegrafi/
https://twitter.com/emrebasoglu_/status/826527078094950400
https://twitter.com/Zlatan_79/status/826540000154116096