Rita Ora i ka befasuar fansat teksa e ndryshoi veshjen në skenë jo më pak se tetë herë gjatë prezantimit të MTV Europe Music Awards me bashkëshortin e saj, Taika Waititi, në PSD Bank Dome të Dusseldorf të Gjermanisë të dielën mbrëma.
Këngëtarja shqiptare e hapi ceremoninë me një fustan të shkurtër PVC ngjyrë vjollce me kapuç, të cilin e vendosi nën një xhaketë me pupla të koordinuara, ndërsa i shtoi centimetra kornizës së saj me taka me lidhëse.
Më pas e ndërroi me një bluzë të bardhë me dekolte të hapur dhe fund maksi, të dyja me rripa lëkure, përpara se ta ndërronte atë me një fustan xhaketë sportive të zezë, e cila ishte zbukuruar me një koleksion të orëve të argjendta.
Më vonë, ekspozoi fizikun e saj për t’u pasur zili me një fustan të ngushtë lëkure me një të çarë nga kofshët, ndërsa kishte parukë ngjyrë rozë, për të vazhduar edhe me kombinime të tjera.
Më herët gjatë mbrëmjes, krijuesja e hitit “Poison” bëri bujë teksa mbërriti në tepihun e kuq me një fustan ‘të rrezikshëm’ dantelle të zi dhe të kuq me lule.
Dhe padyshim që duke qenë ‘mbretëreshë e stilit’, Ritës iu nda çmimi i MTV EMA për stilin më të mirë personal. /Telegrafi/
