Harvey Weinstein ka javë që po përballet me akuza për ngacmime seksuale.
Gwyneth Paltrow, Angelina Jolie ishin ndër aktoret e para hollivudiane që e akuzuan regjisorin amerikan për keqtrajtime seksuale.
Por, akuzat e Paz de la Huerta duket se ishin më bindëse për autoritet policore amerikane, të cilat pritet ta arrestojnë 65-vjeçarin.
“De la Huerta rrëfeu në detaje rreth keqtrajtimit seksual dhe këto ishin mjaft të besueshme. Kemi material të mjaftueshme për ta ngritur kallëzim penal. Jemi në procesin e mbledhjes së provave dhe së shpejti do ta marrim një vendim”, tha zëdhënësi i policisë njujorkeze, Robert Boyce.
Theksojmë se aktorja javë më parë pohoi për revistën “Vanity Fair” se Weinstein e kishte përdhunuar dy herë gjatë vitit 2010 në New York.
Nëse Weinstein, sipas zyrtarit të policisë, do të jetë jashtë shtetit të Nju Jorkut në rastin se forcat e rendit do të duan ta arrestojnë, policisë do t`i nevojitet një urdhër gjykate.
Ndryshe, Weinstein ka humbur edhe përkrahjen e shumë sponsorëve dhe miqve. /Telegrafi/