Në rajonin e komunave të Kumanovës, Lipkovës dhe Nagoriçan i vjetër, mbledhja e pemëve stinore po zhvillohet pa pengesa, informuan sot nga Njësia rajonale e
Ministrisë së bujqësisë, pylltarisë dhe ujërave, përcjell Telegrafi Maqedoni.
‘Edhe këtë vit bujqit individual do të mbledhin sasi shumë më të madhe në krahasim me ndërmarrjet bujqësore, pasi që në rajonin më të gjerë të komunës së Kumanovës, pjesa më e madhe e pemëve janë të mbjellura nga bujq individual, nëpër oborre dhe ara të tyre e jo në plantacione të mëdha’, tha Naser Dauti, udhëheqës i Njësisë rajonale të MBPU-së.
Ai tha se në tre komunat në fjalë sipërfaqja në të cilën kultivohen pemë përfshin tokë prej 500 hektarësh, ndërsa prodhimi i përgjithshëm arrin rreth 6.000 ton, nga të cilat vetëm 5% janë të ndërmarrjeve bujqësore.
Sipas informatave të Njësisë rajonale, nëkëtë rajon më së shumti kultivohet kumbull, rreth 40%, molla 15% dhe kajsia 8% dhe pjesa e mbetur, arra, bajame dhe lajthi./Telegrafi/