Harroni pllakat në tarracë dhe shkallë – tepihu i gurit është zgjidhje e re dhe rezistuese, afatgjatë dhe dysheme dekorative në ballkon apo shkallë.
Tepihu i gurit përbëhet nga gurët e imët natyralë formash dhe ngjyrash të ndryshme, ndërkaq lidhja bëhet me dyllë epoksi, transmeton Telegrafi.
Lloji i këtillë i dyshemesë është rezistues ndaj ujit dhe ngricave, mirëpo më e rëndësishme është që mund ta qitni sipër pllakave të vjetra, pa bërë izolim.
Nëse dëshironi të ndryshoni pllakat në tarracë apo shkallë, është e nevojshme më parë të paguani mjeshtrin që t’i heqë pllakat, të bëjë izolimin ose nëse baza është e keqe të bëjë edhe shtresën e nivelimit, dhe vetëm pastaj t’i ngjitni pllakat e reja.
Kjo procedurë zgjat shumë dhe mund t’ju kushtojë shumë, prandaj tepihët me gurë janë zgjedhje perfekt dhe mund ta qitni mbi cilëndo sipërfaqe.
Edhe një anë pozitive e tepihut të gurit është që nëse me kohë krijohen vrima apo shtresa sipërfaqësore e gurëve nuk duket bukur, lehtë dhe shpejt vetë mundeni ta plotësoni pjesën e cila është prishur.
Veç kësaj, dyshemeja me gurë është jashtëzakonisht dekorative, andaj hyrja në shtëpi, korridori apo tarraca do të jenë të freskuara dhe do të duken bukur.
Ekzistojnë më shumë se 50 ngjyra të tepihut prej guri, ndërkaq ju në harmoni me enterierin dhe fasadën zgjidhni më të përshtatshmen.
Shikojeni në video si punohet tepihu prej guri! Nën këtë tekst ju pret edhe një video-xhirim!
/Telegrafi/