Egjiptianët kanë votuar për Mohamed Salah gjatë zgjedhjeve presidenciale.
Ylli i Liverpoolit po shkëlqen në Ligën Premier që nga transferimi i tij nga Roma, anësori ëme golat, asistimet dhe paraqitjen fantastike është shndërruar në një idhull në Egjipt.
Por, kjo pasi Salah me penalltinë e tij ndaj Kongos ia kishte siguruar vendit të tij pjesëmarrjen në Kampionatin Botëror që do të mbahet në Rusi gjatë verës së 2018.
Për ta falënderuar me gjithë këto, egjiptianët e kanë votuar atë zgjedhjet presidenciale.
Sipas The Economist, më shumë se një milion egjiptian e kanë shtuar emrin e Salah në fletëvotim dhe pastaj e kanë markuar emrin e tij.
Fitues i zgjedhjeve ishte Abdel Fattah al-Sisi me 92 për qind të votave, kurse kandidati tjetër Moussa Mustafa Moussa mori vetëm tre për qind.
Fakt interesant është se Salah mori pesë për qind të votave, por normal që ishin të pavlefshme pasi ylli i LFC nuk ishte kandidat. /Telegrafi/
