Vizita treditore e presidentit turk, Recep Tayyip Erdogan në Gjermani ka fituar vëmendjen e gjithë botës. Por gjatë vizitës ka pasur edhe protestues që ishin kundër vizitës së tij.
Gjatë konferencës së përbashkët me kancelaren gjermane, Angela Merkel, një gazetar ka protestuar para Erdoganit me një bluzë të veshur që kishte një mesazh për të. E për ta qetësuar situatën pjesëtarët e sigurimit është dashur të ndërhyjnë për ta larguar, transmeton Telegrafi.
Ndërsa ajo çfarë ka bërë më së shumti bujë është eskorda e tij rrugës për në qytetin gjerman Cologne, ku ka marrë pjesë në përurimin e hapjes së xhamisë më të madhe në Evropë.
Videoja e publikuar më poshtë shfaq eskordën me mbi 50 automjete të ndryshme, duke filluar nga furgonët, limuzinat, e autobusët që po udhëtonin për në Cologne.
Janë dashur të kalojnë më shumë se tre minuta të videos, që eskorda e presidentit turk të kalojë para autorit të videos. /Telegrafi/
https://www.youtube.com/watch?v=QzNwKc6hAnk