Gjashtë persona janë arrestuar në Gjilan, pasi të njëjtit kanë bërë tregti të paligjshme me ari.
Aksioni i policisë dhe i doganës u zhvillua në disa lokacione, ku u sekuestrua mbi 30 kilogramë ari, mijëra euro dhe franga, transmeton Telegrafi.
Pamjet gjatë aksionit tashmë janë publikuar nga Dogana e Kosovës.
“Sektori për Hetimin e Korrupsionit i Policisë së Kosovës në koordinim me Doganën e Kosovës pas pranimit dhe verifikimit të informatës për dyshim për Tregti të paligjshme nga disa biznese që ushtronin veprimtarinë argjendarive, kanë ndërmarrë veprime operacionale në rajonin e Gjilanit duke kontrolluar shtatë (7) lokacione të ndryshme me ç’rast gjatë kontrollit janë gjetur dhe sekuestruar përkohësisht: 33kg e 310 gram ari (tridhjetë e tre kilogram e treqind e dhjetë gram ari), 14.650.00€ dhe 9.720.00 franga zvicerane”, bëhet e ditur në njoftim e policisë.
Më poshtë pamjet e publikuar nga Dogana e Kosovës./Telegrafi/
