Real Madridi do të tentojë ta transferojë me çdo kusht sulmuesin e Paris Saint-Germain, Kylian Mbappe.
Reprezentuesi francez ka refuzuar dy herë përpjekjet e PSG-së për të lidhë atë me një marrëveshje të re.
Kështu, bisedimet kanë ndalur tashmë në mes të dy palëve dhe kjo ka inkurajuar klubet e interesuara.
Njëra nga klubet që e do më shumë yllin francez është gjiganti spanjoll, Real Madridi.
Sipas gazetës AS, Mbappe vazhdon të mbetet prioriteti kryesor i Realit në afatin e transferimeve të verës.
Por, Mbretërit nuk do ta kenë të lehtë transferimin e lojtarit, pasi PSG e vlerëson mbi 200 milionë euro.
Mbappe gjithashtu kërkon një rritje të madhe të pagës, e cila kalon tashmë 15 milionë euro në sezon. /Telegrafi/