Gjatë muajit tetor dhe nëntor, gjethet ndryshojnë ngjyrën, ato bëhen të verdha, të kuqe dhe të arta duke ofruar një pamje mahnitëse të natyrës.
Ky peizazh i bukur është i veçantë për Rotarianët dhe artistët që kërkojnë frymëzim.
Rotary Club Peja edhe këtë vit, mirëpret fotot nga mbarë bota.
“Ju jeni po ashtu të mirëseardhur të vizitoni Pejën, Rugovën, rrafshin e Dukagjinit dhe shijoni ushqimin dhe mikpritjen tradicionale”, thuhet në njoftim.
EDICIONI I TETË I GOLDEN LEAF FESTIVAL – GLF
VENDI – PEJË, KOSOVË
DATA: 25 TETOR – 10 NËNTOR 2024
TEMA: UJI, AJRI DHE TOKA
ORGANIZATOR: ROTARY CLUB PEJA
GOLDEN LEAF FESTIVAL GJATË VITEVE:
GLF 2015, pjesëmarrës Rotarianë nga Klubet Rotary të Kosovës.
GLF 2016, Pjesëmarrës, Rotarianë dhe artistë nga 7 shtete Evropiane.
GLF 2017, Rotarianët dhe artistët nga 4 Kontinente: Evropa, Azia, Amerika dhe Afrika, kanë ndarë me ne bukuritë e ndryshimit të ngjyrës së gjetheve në vendet e tyre.
GLF 2018, Rotarianët dhe artistët nga 18 shtete duke përfshirë pjesëmarrës edhe nga kontinentet e Australisë dhe Amerikës Jugore kanë ndarë me ne bukuritë e natyrës gjatë muajit Tetor.
GLF 2019, krahas fotove të bukura nga mbarë bota, në GLF 2019 konkursit i’u shtuan edhe kategoritë garuese për poezi, këngë dhe piktura.
GLF 2020 dhe GLF 2021 – nuk u mbajtën për shkak të pandemisë COVID-19.
GLF 2022, Edicioni i Gjashtë, tri fotot më të mira nga Shqipëria, Kosova dhe SHBA janë shpërblyer.
GLF 2023 vitin e kaluar u shpërblyen tri Fotot më të mira nga Mali i Zi, Shqipëria dhe Kosova.
Golden Leaf Festival kombinon mbështetjen për artistët e rinj, promovimin e turizmit dhe zhvillimin ekonomik të Pejës dhe të Kosovës.
Shpërblimet për GLF 2024 do të ndahen më 13 nëntor, në Darkën Solemne të Rotary Club Peja në Hotel Dukagjini
Tri fotot më të mira do të shpërblehen derisa të gjithë pjesëmarrësve ndërkombëtarë do ju ofrohet akomodim falas nga Rotarianët Pejanë në Edicionin e Nëntë të GLF 2025.
Për të dërguar fotot tuaja, kontaktoni: info@rotaryclubpeja.org
Për të mësuar më shumë për GOLDEN LEAF FESTIVAL dhe ROTARY CLUB PEJA, vizitoni faqet tona në Facebook:
Rotary Club Peja: https://www.facebook.com/RotaryClubPeja dhe
Golden Leaf Festival: https://www.facebook.com/goldenleaffestival
MOS HARRONI:
Pranimi i fotove deri më 10 nëntor, 2024.
Shpallja e fituesve më 13 nëntor 2024, në darkën solemne të Rotary Club Peja. /Telegrafi/
