Floyd Mayweather është larguar mbrëmë nga ringu si fitimtar, pasi mposhti Conor McGregorin me “knockout” teknin në raundin e 10-të.
Në një deklaratë të dhënë pas përfundimit të këtij dueli, Maywether është shprehur duke thënë se ka arritur të mbajë premtimin e tij, dhënë para ndeshjes.
“Bëra atë që premtova. Premtova që ndeshja nuk do të shkonte deri në fund dhe e mbajta premtimin. Thashë që do ta mbyllja më përpara”, ka thënë veterani amerikan pas përfundimit të sfidës.
Ndërsa i pyetur për Mcgregor, ai është shprehur: “E lashë që të më godiste në fillim dhe më pas u lodh. Është më i mirë nga sa e mendova”.
Pas kësaj fitoreje Maywetaher ka përfituar 100 milionë dollarë, ndërsa McGregor vetëm 30 milionë dollarë. /Telegrafi/
