Mbrojtësi i kombëtares Mërgim Mavraj paralajmëron se kuqezinjtë do të befasojnë në kampionatin evropian “Francë 2016”.
Mbrojtësi i Kolnit i bëri këto komente nga Durrësi, ku u grumbullua me kuqezinjtë për miqësoret ndaj Austrisë dhe Luksemburgut.
“Pas suksesit me kualifikimin ne Evropian, tani fillon puna për ndeshjet në grupe. Jam i lumtur qe i shoh këta futbolliste që kemi luajtur bashkë gjatë eliminatoreve. Këto miqësore janë një mundësi për te treguar vlerat tona dhe për t’ia bërë të vështire trajnerit ne zgjedhjet e tij. Konkurrenca është diçka e mire dhe krahasuar në vitet e shkuara është diçka pozitive për skuadrën. Sot jemi 25 futbolliste dhe është një vlere e madhe për Shqipërinë”, ka thënë Mavraj.