Mathys Tel, sulmuesi i talentuar 19-vjeçar i Bayern Munich, duket se po i afrohet një kthese të re në karrierën e tij, pasi ai mund të largohet nga klubi gjerman gjatë afatit kalimtar të janarit.
Gazetari i njohur i transferimeve, Fabrizio Romano, ka theksuar se si lojtari ashtu edhe Bayern Munich po vlerësojnë me kujdes të gjitha opsionet e disponueshme në treg, duke lënë të hapur mundësinë për një transferim në javët që vijnë.
Chelsea është një nga klubet që kanë treguar interes më të hershëm për Tel, duke besuar në potencialin e talentit.
🚨💣 EXCLUSIVE: Mathys Tel has just decided to leave Bayern in January!
Bayern and player side will assess all the options on the market.
Chelsea asked for Tel at the beginning of January but there are more clubs also keen… race open. 👀🔛 pic.twitter.com/jWkkIcn0K1
— Fabrizio Romano (@FabrizioRomano) January 28, 2025
Megjithatë, Chelsea nuk do të ketë rrugë të lehtë, pasi edhe klube të tjera të mëdha kanë hyrë në lojë, duke shprehur interesim për të nënshkruar me Tel.
Vlera e tregut e Mathys Tel, sipas Transfermarkt, aktualisht qëndron në 30 milionë euro. Megjithatë, kjo shifër mund të ndryshojë në varësi të ofertave që mund të paraqiten nga klubet e interesuara.
Tel ka ardhur në Bayern Munich në vitin 2022 nga Rennes. /Telegrafi/