Telegrafi

Mata: Nuk e di nëse De Gea do të qëndrojë te Manchester United

Mesfushori i Manchester United, Juan Mata, ka thënë se nuk e ka idenë nëse David de Gea do të qëndrojë edhe vitin e ardhshëm me klubin. 

De Gea vazhdon të jetë i lidhur me Real Madridin para se të fillojë afati kalimtar veror.

I pyetur nga El Mundo Deportivo, Mata, ka thënë se nuk e ka idenë për të ardhmen e portierit spanjoll.

Juan Mata dhe David De Gea te Spanja. (Photo by Juan Manuel Serrano Arce/Getty Images)

“A do të jetë De Gea në Old Trafford edhe sezonin e ardhshëm? Nuk dua t’ju mashtroj. Askush nuk e di”.

“Ai është i lumtur, i qetë dhe mendoj që nuk është duke menduar në asnjë moment për këtë”, ka thënë Mata.

David De Gea te Manchester United. (Photo by Laurence Griffiths/Getty Images)

Mata dhe De Gea gjenden në Spanjë ku do ta zhvillojnë ndeshjen me Sevillën.

Dyshja mund të jenë të ftuar edhe nga Kombëtarja spanjolle për në Kampionatin Botëror. /Telegrafi/