Ministri i Arsimit, Shkencës dhe Teknologjisë, Shyqiri Bytyqi sot ka pritur në takim shefin e misionit të UNHCR-së në Kosovë, Erol Arduc, me të cilin ka diskutuar për bashkëpunimin dhe kontributin e deritanishëm që UNHCR ka dhënë në fushën e arsimit, angazhim për të cilin e kam falënderuar.
Bytyqi, përmes një postimi në Facebook, ka bërë të ditur se temë kryesore e këtij takimi ishte edukimi në fëmijërinë e hershme nga mosha 0-3 vjeç, “me ç’rast kërkova nga Arduc, që të kemi mbështetjen e UNHCR-së në organizimin e një fushate vetëdijësuese për rëndësinë e zhvillimit të fëmijëve të këtyre moshave”.
“Theksova se në këtë fushatë, e cila do të bëhet në bashkëpunim edhe me Fakultetin e Edukimit, do të përgatiten edhe disa materiale dhe broshura, të cilat do të shpërndahen kryesisht nëpër familjet, të cilat për arsye të ndryshme nuk mund t’i dërgojnë fëmijët në çerdhe”.
Sipas Bytyqit, shefi i misionit të UNHCR-së, Erol Arduc, shprehu gatishmërinë për të kontribuar në realizimin e kësaj ideje, të cilën e vlerësoi si shumë të rëndësishme për zhvillimin e edukimit në fëmijërinë e hershme. /Telegrafi/