Tranzicioni i Maseratit në automjetet me energji elektrike ka filluar pasi Granturismo dhe Grecale morën dy variante – gaz dhe elektrike.
Megjithatë, modelet e ardhshme Quattroporte dhe Levante, do të ndërmarrin hapin tjetër dhe do të jenë makina të pastra EV, sipas një raporti që vjen nga Autocar.
Quattroporte është planifikuar të dalë në vitin 2024 me ridizajnim të plotë dhe vetëm me motorë EV. Levante pritet një vit më vonë, transmeton Telegrafi.
Të dyja makinat do të bazohen në platformën e re modulare të përdorur për Granturismo aktuale. Është projektuar një paketë baterie në formë T, e cila mbush tunelin në mes të shasisë dhe sediljeve të rreshtit mbrapa. Quattroporte thuhet se do të japë më pak se 760 kuaj fuqi maksimale.
Quattroporte dhe Levante ka shumë gjasa të prodhohen në fabrikën Mirafiori në Itali që nga viti i kaluar, Stellantis investoi 700 milionë euro për t’u përgatitur për prodhimin e EV. Këtu po ndërtohet Granturismo e Maserati tani. /Telegrafi/