Ministri i Tregtisë dhe Industris, Endrit Shala i ka ftuar investitorët turq që të investojnë në Kosovë duke ju thënë se janë partnerë të rëndësishëm.
Shala ka pritur në takim Këshillin Botëror Turk të Biznesit pranë Bordit të Marrëdhënieve të Jashtme Ekonomike (DEIK), me të cilët bisedoi për tregtinë mes dy shteteve.
Ministri Shala tha se Kosova i ka lehtësuar proceset për investime.
“Në raport me investitorët nga Turqia Kosova ka lehtësuar edhe më tutje procesin e investimeve të tyre duke nënshkruar marrëveshje kruciale e këto të cilat do të shërbejnë kryekëput për investitorët nga Turqia. Sot këtu dua të përmend para jush se Kosova dhe Turqia tashmë kanë ratifikuar Marrëveshjen për Tregti të Lirë, e cila do të hyjë ne fuqi nga data 1 shtator e cila do të lehtësojë në masë te madhe edhe investimet e dyanshme dhe njëkohësisht nxitjen e tregtisë mes dy vendeve tona”, tha Shala.
Ministri tha se investitorët turq mendojnë të investojnë në Kosovë, do ta ndihmojnë vendin dhe raportet mes dy vendeve.
Ai shtoi se vendi ynë është e gatshme për investimet e tyre ndërkohë i ftoj ata të investojnë duke ju thënë se llogariten partnerë të rëndësishëm.
Ndërsa, Nail Olpak, kryetar i DEIK-DTIK, tha se Marrëveshja për Tregti të Lirë është shumë e rëndësishme.
“Marrëveshja për Tregti të Lirë nuk do të mbetët vetëm në eksportimin dhe importimin e marrëveshjeve por do të jetë e rëndësishme për rritjen e investimeve të jashtme turke. Kjo të bëhet me anë të promovimeve të ndryshme”, tha ai.
Kjo Marrëveshje parashikon heqjen e tarifave doganore për një numër të madh të produkteve, kryesisht industriale, të cilat do të kenë një çmim më të ulët për konsumatorët. /KP/Telegrafi/