Mark Zuckerberg dhe gruaja e tij 38-vjeçare, Priscilla, kanë mirëpritur fëmijën e tyre të tretë së bashku.
Lajmin e lumtur e ka bërë të ditur themeluesi i Meta-s në platformën e tij në Instagram mëngjesin e së premtes.
38-vjeçari tregoi se fëmija i tyre i tretë është një vajzë që ata e kanë quajtur, Aurelia Chan Zuckerberg.
“Mirë se erdhe në botë, Aurelia Chan Zuckerberg! Ti je një bekim”, ka shkruar ai.
Marku – i cili pushoi nga puna 10,000 punonjës të Meta-s në fillim të këtij muaji – shihet në foto duke qëndruar pranë foshnjës dhe duke i dhënë një buzëqeshje.
Në imazhin tjetër, Zuckerberg publikoi një imazh të bashkëshortes duke e mbajtur në krah vajzën, gjersa ishte akoma në spital.
Ata tashmë kanë vajzat: Maxima, shtatë vjeçe, e lindur në dhjetor 2015 dhe August, pesë vjeçe, e lindur në gusht 2017.
Zuckerberg dhe gruaja e tij, një filantrope, u takuan në një festë ku të dy po merrnin pjesë si studentë të Harvardit në vitin 2003.
Ata filluan të takoheshin që nga aty dhe u martuan nëntë vjet më vonë në 2012, vetëm një ditë pasi Facebook u bë publik dhe mbajtën një ceremoni intime në oborrin e shtëpisë së tyre. /Telegrafi/
