Mario Dedivanovic cilësohet të jetë njëri prej grimerëve më të suksesshëm në trojet shqiptare, i cili tash e një kohë punon me yje të famshme internacionale.
Ai kohëve të fundit ka qenë një nga emrat më të përfolur në faqet rozë, dhe kjo për shkak se në nëntor të vitit të kaluar gjersa rrëmbeu çmimin “American Influencer Awards”, tregoi se është homoseksual dhe tha se ndjehet krenar me këtë.
Më pas, kjo bëri që të admirohet edhe më shumë nga publiku dhe fansat e tij duke e përgëzuar për sinqeritetin dhe pozitivitetin që përcjell.
Mario njëherësh është mjaft i ndjekur edhe në rrjetet sociale dhe vetëm në Instagram numëron 7.5 milionë ndjekës.
Kështu, Dedivanovic në llogarinë e tij zyrtare postoi një fotografi të realizuar në kohën kur ka mbaruar gjimnazin.
“Në çfarë viti e keni mbaruar shkollën e mesme?”, ka shkruar Mario poshtë imazhit.
Ditë më parë, Mario po ashtu inaguroi Nismën Shqiptare për Udhëheqje, një iniciativë e re në Universitetin e Harvardit e krijuar dhe drejtuar nga studenti shqiptar, Deni Hoxha.
Projekti ka për qëllim për t’i njohur kontributet e shqiptarëve në fushat e tyre, duke i shpalosur ato në Harvard. /Telegrafi/