Droga në vlerë prej 160 milionë funte që ka mundur të përfundojë në Mbretërinë e Bashkuara, është konfiskuar në Karaibe.
Forcat ajrore mbretërore i janë bashkuar marinës mbretërore dhe rojeve bregdetare amerikane e marinës holandeze, për të konfiskuar 1,700 kilogramë kokainë, ku 28 kilogramë ishin amphetaminë, transmeton Telegrafi.
Ky konfiskim është i dyti me radhë që ka ndodhur në dy ditët e fundit, pasi herën e parë janë kapur 264 kilogramë kokainë në një destinacion tjetër.
Mbretëria e Bashkuar në bashkëpunim me vendet aleatë në Karaibe është pjesë e taskë forcës, që detekton dhe monitoron aktivitetet e paligjshme për të ofruar siguri gjatë operacioneve nga baza e tyre në Florida. /Telegrafi/