Mbrojtësi i Real Madridit, Marcelo, është treguar i sinqertë pas ndeshjes me Bayern Munichun, ku kishte një rast të prekjes me dorë në zonë.
Mbrojtësi brazilian e preku topin me dorë dhe pranon që e bëri, duke thënë se në raste të tilla jepet penallti.
“Po, topi u përplas në dorën time dhe në raste të tilla jepet penallti”.
“Do gënjeja, nëse do thosha që nuk e preka topin me dorë. Realiteti nuk mohohet, por nuk e ndala me qëllim”.
Marcelo që është një nga liderët e ekipit ka lavdëruar paraqitjet e Karim Benzemas dhe Keylor Navasit në këtë ndeshje.
“Jam shumë i kënaqur për Keylorin dhe Karimin, e meritonin një ndeshje të tillë”.
“Futbolli ndonjëherë është i vështirë, të gjithëve na ndodh një natë e keqe, por kështu është, një herë gabon e një herë shënon”.
“Një ditë të fishkëllejnë dhe ditën tjetër të duartrokasin. Jemi shumë të kënaqur për kualifikimin, synimi ynë ishte një tjetër finale dhe ia dolëm mbanë”.
“Ishte një ndeshje shumë e vështirë, ndaj një rivali mjaft të fortë, por ditëm të vuanim”, ka deklaruar Marcelo. /Telegrafi/
https://www.youtube.com/watch?v=9YloQZ0rCp8