Kryeministri i Maqedonisë, Zoran Zaev dhe ministrja për punë dhe politikë sociale, Milla Carovska sot morën pjesë në seancën konstitutive të Grupit këshilldhënës konsultativ interdikasterial për mundësi të barabarta të grave dhe burrave, kumtoi shërbimi për shtyp i Qeverisë.
“Premtuam dhe ja, tani më e krijuam trupit të veçantë për barazi gjinore, që do të kujdeset për zbatimin e perspektivave gjinore në krijimin e politikave dhe buxhetit”, tha para të pranishmëve kryeministri Zoran Zaev.
Ky trup formohet pas vendimit të Qeverisë, me qëllim që t’i jepet rëndësi kësaj çështje të rëndësishme edhe në Maqedoni. Në të do v anëtarësohen përfaqësues nga ministritë, nga institucionet tjera shtetërore, partnerët socialë të MPPS-së, organizatat qytetare, ekpertë.
“Barazia gjinore nuk është vetëm çështje e gruas, nuk është vetëm çështje e respektimit të së drejtës kushtetuese të barazisë, por seriozisht ndikon në zhvillimin e shoqërisë në të cilën jetojmë. Barazia e gruas do të thotë progres për të gjithë.”, tha Zaev.
Ministrja e punës dhe politikës sociale, Milla Carovska theksoi se Qeveria ka qasje sistematike ndaj çështjes gjinore dhe vlerësoi se vetëm kjo është zgjidhje për të pasur efekte në një kohë të shkurtë./Telegrafi/
