Interi është afër arritjes së marrëveshjes për transferimin e qendërmbrojtësit të Romës, Kostas Manolas, për 40 milionë euro.
Mbrojtësi grek është pritur të largohet nga Stadio Olimpico që në verën e kaluar, mirëpo Giallorossët nuk e shitën për shkak të një klauzole, sipas të cilës, gjysmat e parave do t’i shkonin Olympiakosit.
Kjo klauzolë tashmë nuk është valide, ndërsa Tuttomercatoweb raporton se Nerazzurrët janë afër marrëveshjes për Manolas.
Lojtari është i interesuar për këtë transferim, teksa raportohet se klubet janë afër arritjes së një marrëveshjeje në vlerë prej 40 milionë euro.
Shuma prej 32-35 milionë euro mund të paguhet menjëherë, derisa pjesa tjetër do të jepet në formë bonusesh.
Roma e ka transferuar Manolasin për 13 milionë euro, prandaj shitja e tij do t’i sillte përfitim të mirë klubit kryeqytetas. /Telegrafi/