Roberto Mancini ka thënë fjalë të mira për sulmuesin e Nice, Mario Balotelli.
Strategu italian ishte njeriu që ia ofroi debutimin SuperMarios te Interi, ndërsa më pas e mori edhe te Manchester City.
“Ai ka moshë të njëjtë me djalin tim, ia kam mundësuar debutimin në Serie A, kur ishte shumë i ri. Është një djalë i mahnitshëm, është i ri dhe i talentuar dhe si shumë të rinj, nganjëherë bën gjëra të pahijshme”.
“Rinia nuk do të ishte rini nëse nuk bën gjëra pa lidhje, nuk ka të tillë që nuk bëjnë gabime. Mario është një lojtar fantastik, por i ka shpenzuar disa vite kot”.
“Shpresoj që përvoja e tij në Francë, ku ka filluar shumë mirë, mund ta kthejë në nivelet e disa viteve më parë dhe pastaj ndoshta të kthehet në ekipin kombëtar”.
“Ai ka cilësi shumë të mira dhe për ata që nuk e njohin, mund t’u them se ai është një djalë shumë i mirë”, ka thënë Mancini. /Telegrafi/