Manchester Unitedit thuhet se është afër të mbyll transferimin e mesfushorit të Ajaxit, Donny van de Beek.
Djajtë e Kuq kanë mbetur mbrapa në këtë afat kalimtar të verës, pasi ende nuk kanë bërë ndonjë transferim, edhe pse janë lidhur me shumë emra.
Megjithatë, pritjes së madhe të tifozëve të klubit nga Old Trafford, si duket po i vjen fundi.
Ekipi nga Old Trafford thuhet se është afër të mbyll transferimin e mesfushorit holandez të Ajaxit, Van de Beek, i cili lidhej edhe me Barcelonën.
Është gazetari i njohur katalunas, ish-futbollisti Oriol Domenech, i cili ka ndarë këtë lajm në rrjetet sociale.
Ai ka shkruar në profilin e tij që Van de Beek është gati të nënshkruaj me Unitedin dhe Barcelona tani vëmendjen do kthej kah Georginio Wijnaldum.
Una de les prioritats de @RonaldKoeman, @Donny_beek6, està a punt de signar pel @ManUtd. @GWijnaldum s’ha convertit en el gran objectiu.
— Oriol Domènech (@orioldomenech) August 29, 2020
“Njëri nga prioritet e Ronald Koemanit, Donny Van de Beek është afër nënshkrimit me Manchester Unitedin. Wijnaldum tani është objektivi i madh i Barcelonës”, ka shkruar Domenech.
Van De Beek është lidhur edhe në të kaluarën me klubin e madh anglez, ndërsa transferimi i tij mund të kushtojë rreth 50 milionë euro. /Telegrafi/
Ajax’s Donny van de Beek is close to joining Manchester United, according to @orioldomenech pic.twitter.com/gsybWK1gwd
— B/R Football (@brfootball) August 29, 2020