Manchester United është në kërkim të një mbrojtësi qendror dhe synon të futet në tregun e transferimeve në janar.
Harry Maguire pritet të largohet pasi ka interesime për të dhe trajneri Erik Ten Hag synon që të përforcohet në repartin defensivë.
Jean-Clair Todibo është dëshira kryesore e Djajve të Kuq për mbrojtjen me trajnerin Ten Hag që e kërkoi atë edhe në verë.
Qendërmbrojtësi francez po kalon nëpër një formë të shkëlqyer te Nice dhe është i gatshëm të bëj një hap para në karrierën e tij.
Mediumi francez Le 10 Sport ka raportuar se Djajtë e Kuq janë të gatshëm që në janar të ofrojnë deri në 50 milionë euro për transferimin e francezit në Old Traford.
23-vjeçari është duke kaluar vitin e tij të tretë te Nice e cila e transferoi qendërmbrojtësin nga Barcelona për 8,5 milionë euro.
E nga shitja eventuale e tij do të fitojnë edhe katalunasit pasi kanë ruajtur 20 për qind të kartonit të Todibos dhe në rast se francezit shitet për 50 milionë euro atëherë 10 milionë do të shkojnë në arkat e klubit katalunas.
Todibo këtë edicion ka zhvilluar tetë ndeshje me Nicen teksa ka asistuar në një gol. Përveç United në garë për qendërmbrojtësin është edhe gjiganti italian Juventus./Telegrafi/