Marco Asensio po i kalon ditët e tij të fundit si një futbollist i Real Madridit.
Largimi i sulmuesit anësorë nga kryeqyteti spanjoll duket i pashmangshëm, pasi ai nuk ka qenë një titullar fiks nën urdhrat e Carlo Ancelottit.
26-vjeçari ka zhvilluar 42 ndeshje zyrtare në të gjitha garat për Los Blancos ku ka shënuar 12 gola e ka asistuar në dy të tjerë.
Sky Sport ka raportuar se Manchester United ka nisur tanimë kontaktet e para me agjentët e futbollistit, pasi duan ta transferojnë në Old Traford.
Lojtari i ka dhënë dritën e gjelbër agjentëve të bisedojnë me gjigantin anglez pasi ka vendosur të largohet këtë verë nga Santiago Bernabeu.
Erik Ten Hag e pëlqen shumë spanjollin dhe dëshiron të punojë me të në Old Traford nga edicioni i ardhshëm.
Nga ana tjetër në Madrid janë të gatshëm ta lejojnë largimin e yllit të repartit ofensivë, por duan të fitojnë së paku 50 milionë euro. /Telegrafi