Manchester City ka marrëveshje personale me Josko Gvardiol

Josko Gvardiol mund të bëhet këtë verë mbrojtësi më i shtrenjtë në histori të futbollit.

Qendërmbrojtësi kroat ka dy vite që shkëlqen me fanellën e RB Leipzig dhe është një nga mbrojtësit më të mirë në botë.

Megjithatë e ardhmja e tij duket larg kampionatit gjerman, pasi Manchester City është duke kërkuar me ngulm transferimin e tij.

Lexo po ashtu Man City synon katër transferimeve të mëdha gjatë verës, pavarësisht se mund t’i fitojë të gjithë trofetë këtë sezon

Fabrizio Romano ka njoftuar se Citizens kanë arritur tanimë marrëveshje personale me Gvardiol, ku kroati është pajtuar të transferohet në Etihad Stadium.

Tani drejtuesit e Cityt do të fillojnë bisedimet me homologët e tyre nga Leipzig ku synojnë të gjejnë një marrëveshje.

Lexo po ashtu Mësohet shuma që kërkon RB Leipzig për Josko Gvardiol

Megjithatë klubi gjerman është i vendosur që mos ta lejoj largimin e lojtarit pa fituar 100 milionë euro, shumë që do ta bënte kroatin mbrojtësin më të shtrenjtë në histori të futbollit.

21-vjeçari që kërkohet edhe nga Chelsea dhe Man Utd, këtë edicion ka zhvilluar 31 ndeshje zyrtare, ku ka realizuar edhe tre gola. /Telegrafi/