Frenkie de Kong vazhdon të jetë një nga emrat më të nxehtë kur flitet për transferime.
Mesfushori holandez ishte kryefjala në afatin kalimtar të verës, por përkundër shumë ofertave ai vendosi të qëndronte te Barcelona.
Por edhe në afatin kalimtar të janarit holandezi pritet të jetë në qendër të vëmendjes, pasi ofertat nuk mungojnë për të.
Gazeta katalunase Sport ka raportuar se Manchester United vazhdon të insistojë për transferimin e holandezit gjatë janarit.
Trajneri Erik ten Hag dëshiron me çdo kusht të bashkohet me mesfushorin me të cilin kishte punuar te Ajax dhe po mundohet ta bind atë të transferohet në Old Traford.
Djajtë e Kuq janë gati të shpenzojnë 80 milionë euro shumë që e kërkon Barça për yllin holandez në afatin kalimtar të janarit.
Megjithatë duhet bindur De Jong të largohet, pasi reprezentuesi holandez ka një pagë prej 18 milionë eurove që nuk është në gjendje t’ia paguaj as gjiganti anglez.
Në garë për 25 vjeçarin mbesin edhe skuadrat tjera të mëdha si Chelsea, Liverpool dhe Bayern Munich. /Telegrafi/