Manchester United do të bëjë një ofertë hapëse për të nënshkruar me portierin e Interit, Andre Onana deri në fund të muajit, por Nerazzurrët duan të paktën 50 milionë euro.
Sipas La Gazzetta dello Sport, agjentët e kamerunasit takuan drejtorët e Djajve të Kuq të enjten mbrëma. Ata informuan përfaqësuesit e lojtarit se një ofertë hapëse do të dorëzohej deri në fund të muajit.
Oferta do të jetë midis 40 dhe 50 milionë euro, që është çmimi i përafërt i kërkuar nga Interi për portierin etyre.
Onana iu bashkua Interit si një transferim i lirë nga Ajax verën e kaluar dhe mbajti 19 herë portën e paprekur në 41 paraqitje me Nerazzurrët në sezonin 2022-2023.
Sipas mediumit italian, trajneri i Manchester United, Erik ten Hag dëshiron të ribashkohet me ish-portierin e tij në Ajaxit, kështu që Djajtë e Kuq kanë braktisur negociatat për të zgjatur kontratën e David De Geas.
Interi në thelb nuk ka buxhet transferimi, kështu që ata duhet të shesin disa nga lojtarët e tyre përpara se të kompletojnë nënshkrimet e reja.
Guglielmo Vicario ishte zëvendësuesi i caktuar për Onanën, por me italianin pranë Tottenham Hotspur, Giorgi Mamardashvili i Valencias dhe Yann Sommer i Bayern Munichut janë tani në radarët e Interit. /Telegrafi/