Manchester United dhe Chelsea janë duke konsideruar një lëvizje në fund të afatit kalimtar të janarit për një sulmues që mund të kushtojë rreth 510 mijë euro sipas raportimeve nga Spanja.
Martin Brathwaite, i cili momentalisht luan në kategorinë e dytë të futbollit spanjoll tek Espanyoli, pasi paraprakisht ishte pjesë e ekipeve si Barcelona dhe Middlesbrough, është golashënuesi më i mirë i La Liga 2 këtë sezon me 12 gola në 22 ndeshje.
32-vjeçari i cili thuhet se ka një pasuri neto prej 216 milionë euro falë një numri të madh biznesesh, ka një klauzolë lirimi prej gjashtë milionë euro, por sipas gazetës Marca, ai mund të jetë në dispozicion për një shumë qesharake.
Kjo për shkak se në kontratën e tij me Espanyolin thuhet se danezi mund të largohet si lojtar i lirë në rast se ata nuk arrijnë të sigurojnë promovimin në La Liga.
Në rast se Espanyoli nuk e arrin këtë qëllim, dy klubet do te detyroheshin të paguanin rreth 510 mijë euro për transferimin e tij.
Manchester United dhe Chelsea ndërkohë kanë shprehur interesim serioz për ta sjellë lojtarin në radhët e tyre gjatë ditëve të fundit të afatit kalimtar dhe të dy ekipet po studiojnë mundësinë e transferimit të tij.
“Transferimi tashmë ka hyrë në proces dhe burimet pranë lojtari thonë se është duke u biseduar për të gjetur një marrëveshje, në mënyrë që klubet e Ligës Premier mos të paguajnë klauzolën e lirimit të sulmuesit danez”, thuhet në raport./Telegrafi/