Manchester City festoi një arritje tjetër historike të shtunën duke krijuar një rekord të ri të klubit prej 17 ndeshjeve radhazi të pamposhtur falë një fitore 2-0 në çerekfinalen e Kupës FA në udhëtim te Everton.
Rezultati i kësaj mbrëmje në Goodison Park pa që skuadra e Pep Guardiola të thyejë rekordin e vendosur më parë nga skuadra e Cityt të Joe Royle midis janarit dhe shtatorit të vitit 1999.
Tani klubi ka të fituar 14 ndeshje dhe tri barazime në 17 ndeshje pa humbje, duke vendosur një rekord të ri të klubit.
Drejtimi i këtij rekordi dhe forma e lartë e Cityt jashtë shtëpisë filloi me suksesin e nëntorit 1-0 në Ligën e Kampionëve në Olympiakos, ndërsa që atëherë, City ka kaluar një formë të jashtëzakonshme në të katër garat.
🚨 ANOTHER CLUB RECORD 🚨
🔷 #ManCity | https://t.co/axa0klD5re pic.twitter.com/fP5CMaQNrS
— Manchester City (@ManCity) March 20, 2021
Kjo është vetëm e fundit në një seri arritjesh të jashtëzakonshme historike për skuadrën e Pep Guardiola këtë sezon.
City tashmë ka vendosur një rekord të ri për periudhën më të gjatë të fitoreve radhazi në historinë e kampionateve të mëdha duke shkuar në 21 fitore radhazi midis dhjetorit dhe marsit në të gjitha garat.
Qytetarët gjithashtu fituan të nëntë ndeshjet konkurruese në janar, më së shumti nga një ekip në katër nivelet më të mira të futbollit anglez në një muaj të vetëm që nga formimi i Ligës së Futbollit në vitin e largët 1888.
Për më tepër, City gjithashtu barazoi rekordin e vetë duke kaluar 28 ndeshje të pamposhtur në të gjitha garat.
Ekipi nga Eithad aktualisht është 14 pikë larg vendit të dytë në Ligën Premier, në finalen e katërt radhazi të Kupës Carabao, në çerekfinale të Ligës së Kampionëve dhe tani në gjysmëfinale të Kupës FA. /Telegrafi/