Manchester City është bërë klubi i fundit që kërkon shërbimet e sulmuesit të talentuar norvegjez të Red Bull Salzburgut, Erling Haaland.
Talenti norvegjez ka befasuar të gjithë këtë sezon, duke dhuruar paraqitje brilante me klubin austriak.
Haaland ka shënuar 18 gola e pesë asistime në 11 ndeshje dhe ky rendiment ka bërë që shumë klube të mëdha evropiane të vihen pas tij.
Sipas mediumit britanik The Sun, Manchester City është bërë skuadra e fundit që i bashkohet garës për sulmuesin Red Bull Salzburgut, Haaland.
Manchester United dhe Liverpooli në Angli, Real Madridi në Spanjë dhe Juventusi në Serie A gjithashtu po e ndjekin me vëmendje lojtarin.
Çmimi i lojtarit mendohet të jetë rreth 50 milionë euro. /Telegrafi/