Klubi anglez, Manchester City po planifikon bisedime të reja për rinovimin e kontratave me tre lojtarë të mëdhenj të ekipit.
Sipas mediumit The Daily Start, City do t’i ofrojë Rodrit, Riyad Mahrezit dhe Ilkay Gundoganit kontrata të reja për t’i mbajtur ata edhe më shumë në Etihad.
Të gjithë nga tre yjet kanë luajtur një rol të madh në suksesin e fundit të Cityt dhe Pep Guardiola është i prirur të sigurojë që qëndrimi i tyre në klub të zgjatet.
Kontrata aktuale e Rodrit skadon pas dy vitesh dhe ai tani pritet të ketë një rritje ‘fitimprurëse’ të pagës.
25-vjeçarit do t’i ofrohen afërsisht 125 mijë funtesh në javë, një rritje e madhe në krahasim me pagën e tij aktuale prej 70 mijë funtesh në javë.
Rodri ka qenë gjithmonë i pranishëm në mesfushën e Cityt që kur u bashkua nga Atletico Madrid për 56 milionë funte në vitin 2019.
Riyad Mahrez dhe Ilkay Gundogan kanë të dy kontrata që skadojnë në fund të sezonit të ardhshëm, por ata gjithashtu pritet të zgjasin qëndrimin e tyre në Mançester, por nuk pritet ndonjë përmirësim i kushteve.
Kevin De Bruyne, Phil Foden, Ruben Dias, Joao Cancello, Aymeric Laporte dhe John Stones kanë nënshkruar marrëveshje të reja kohëve të fundit.
I vetmi lojtar me të cilin City nuk ka arritur të pajtohet me kushtet e reja, deri më tani, është Raheem Sterling. /Telegrafi/