Real Madridi tashmë po planifikon strategjinë e tyre për tregun e transferimeve të verës, me synimin për të forcuar skuadrën.
Megjithatë, një surprizë ka tronditur Valdebebas, pasi Manchester City, i drejtuar nga Pep Guardiola, ka shqyrtuar mundësinë e pagesës deri në 70 milionë euro për një nga objektivat e bardhezinjve.
Oferta e papritur vjen nga interesimi i Manchester Cityt për Alphonso Davies, mbrojtësin e talentuar të Bayern Munichut, raporton Diario Sport.
Pep Guardiola u ka kërkuar sheikëve të klubit anglez që të jenë të gatshëm të paguajnë një shifër që mund të jetë rreth 70 milionë euro për shërbimet e Davies, një propozim që ka habitur Florentino Perez dhe bordin e tij të drejtorëve në Valdebebas.
Nevoja për të forcuar mbrojtjen e ka bërë Real Madridin të shqyrtojë opsionet në treg, por tani ata përballen me konkurrencë të papritur për kanadezin.
Me shifrën e propozuar nga Manchester City, beteja për të siguruar mbrojtësin e talentuar po bëhet intensive dhe mund të ketë pasoja në planet e Real Madridit për tregun e ardhshëm të transferimeve. /Telegrafi/