Trajneri i Manchester Cityt, Pep Guardiola u ka thënë lojtarëve të tij që të mos mendojnë për mundësinë e fitimit të tripletës këtë sezon.
Manchester City është ende gjallë në tre garat pasi rezervoi vendin në çerekfinalet e FA Cup të martën duke mundur Bristol Cityn.
Skuadra e Guardiolës gjithashtu mbetet në garë në Ligën Premier dhe Ligën e Kampionëve, por trajneri i Cityt ka refuzuar fjalët që skuadra e tij mund të arrijë tripletën këtë sezon.
“Jo, harrojeni. Harrojeni. Kur filloni të flisni për këtë, filloni të humbni garat e garat”, ka thënë fillimisht Guardiola pas fitores 3-0 ndaj Bristol Cityt.
“Ne nuk jemi gati. As edhe një sekondë për të menduar për këtë, ne mendojmë vetëm për ndeshjen e ardhshme kundër Newcastle”.
Guardiola ka thënë gjithashtu se skuadra e tij nuk mund të përballojë të humbasë më pikë në Ligën Premier nëse dëshiron të ruajë titullin. City aktualisht është dy pikë prapa liderit, Arsenalit, pasi ka luajtur një ndeshje më shumë se Topçinjtë.
“Unë e di që nuk mund të humbim pikë në Ligën Premier sepse ne kemi në krye një ekip Arsenalin dhe Manchester United po vjen nga pas”.
“Dhe Liga e Kampionëve, ne shohim se çfarë do të ndodhë brenda dy javësh. Ajo që është e rëndësishme është që ne jemi atje, por sigurisht, ne do të vazhdojmë për aq kohë sa të jetë e mundur”, përfundoi trajneri i Cityt. /Telegrafi/