Artisti i mirënjohur shqiptar, Majk prej ditësh ka nisur paralajmërimin e këngës së re.
Në disa postime në llogarinë e tij në Instagram, ai ka njoftuar se është drejt realizmit të një kënge, ku ai shfaqet më ndryshe se në projektet e mëparshme.
Në skenat e videoklipit, Majk shihet i veshur si kalorës ndërsa qëndron mbi një kalë dhe mban shpata në duar.
Ndërkohë, së fundmi autori i “Dashni” ka zbuluar detaje të reja sa i përket lansimit të këngës që mban titullin “Viking”.
Sipër një imazhi të shkëputur nga xhirimet e videoklipit, Majk njoftoi se projekti publikohet të enjten, më 19 tetor.
“19 tetor, e enjte, ora 18:00”, ka shkruar Majk në mbishkrimin e fotos.
Kujtojmë që ky projekt i tij vjen pas një bashkëpunimi të suksesshëm më DJ PM, DJ Dagz, Lumi B dhe Zaza “Sevdali”. /Telegrafi/