Njëri nga lojtarët në formë në Ligën Premier, Riyad Mahrez, është duke u lidhur me klubet e mëdha evropiane.
Pavarësisht se si do të përfundojë sezoni për Leicester Cityn, gjasat janë të mëdha që ai të largohet gjatë afatit kalimtar veror.
Destinacioni më i mundshëm është Barcelona, pasi katalunasit e kërkojnë me ngulm 25-vjeçarin.
Njëherësh edhe vet lojtarit do t’i pëlqente që të luajë me yje të tillë, si Lionel Messi, Neymar e Luis Suarez.
Publikimi i një fotografie, në të cilën ai e ka të veshur fanellën e Barcelonës, i ka shtuar akoma më shumë spekulimet se mesfushori nga sezoni i ardhshëm do të luajë në Camp Nou. /Telegrafi/
